اضحك وفرفش

مرة ولد شاف قطة فى الشارع قال لأخوه انا هاخد القطة دى اغسلها و اربيها.اخوه قاله لو غسلتها هتموت و سابه و مشى..... رجع بعد ساعتين لقى اخوه بيعيط وبيقوله القطه ماتت.... قاله مش قولتلك لو غسلتها هاتموت ، قاله ماماتتش و انا بغسلها ماتت و انا بعصرها

مره واحد تاه فى الصحراء وكان جعان جدا وعطشان اوى وبعدين لقى مصباح علاء الدين فخرج له خادم المصباح وقال له انت لك عندى طلبين ايه الطلب الاول قال له هات طبق كشرى وبعد ما خلصه قال له العفريت تطلب ايه تانى قال له هات كماله

واحد مبسوط شوية بيكلم نفسه .. أنا مش عارف مواعد واحدة الساعة اثنين ولا مواعد اثنين الساعة واحد

مره واحد عازم ناس اصحابه و قدم لهم مانجه فالناس قالوا له مش عيب تجيب لنا مانجه بايته ،، قالهم يعنى هي بايته عند حد غريب

واحد بيقول لزميله إعراب صرصار ايه؟؟؟؟؟؟؟؟ قاله: مرفوع على الحيطه مضروب بالجزمه